Ambasadori i Bashkimit Europian në vendin tonë, Luigi Soreca ka reaguar pas operacioneve antidrogë të policisë  këtë fundjavë në kuadër të luftës kundër krimit të organizuar. Në një postim në Twitter, Soreca  vlerëson operacionin e ndërmarrë nga Policia e Shtetit dhe thekson se tashme pret të shohë edhe vazhdimin e ndjekjeve penale dhe dënimeve. “”Ne mirëpresim operacionin masiv antidrogë të ndërmarrë sot në disa qytete nga policia e Shqipërisë. Të luftojmë kundër krimit të organizuar dhe trafikimit të drogës në Shqipëri është prioritet i Bashkimit Europian. Presim që ndjekjet penale dhe dënimet të vazhdojnë me rezultate të qëndrueshme”- shkruan ai.