Këtë enjte, vetëm dy ditë pas zgjedhjes së Arta Markut Kryeprokurore, Ambasadori i SHBA-së Donald Lu shkoi në godinën e Prokurorisë ku do të takohet me Markun e cila prezantohet para vartësve të saj.

Kujtojmë se Marku është zgjedhur Kryeprokurore e Përkohshme në Kuvend me 69 vota pro, 2 kundër dhe 2 abstenime. Vlen të theksohet se ky është takimi i par i Lu me kryeprokuroren Marku.

41-vjeçarja dje hyri në organin qendror të akuzës rreth orës 10 të mëngjesit, e shoqëruar nga sekretari i përgjithshëm i kuvendit Genc Gjonçaj. Marku u prit në zyrë nga Llalla.