Ambasadopri Donald Lu nga kërkesa për miratimin e shpejtë të reformës në drejtësi tashmë nuk kursen as “thumbat” ndaj klasës politike shqiptare. Për kreun e diplomacisë Amerikanë, politikanët shqiptarë janë arrogante, dhe më e keqja, ata mendojnë se populli nuk e kupton reformën në drejtësi.
Donald Lu:
“Kam pasur një diskutim me një politikan që pretendonte se populli shqiptar nuk mund ta kuptojë në të vërtetë debatin për reformën në dretësi. Sinqerisht kjo është tipike për arrogancën e politikanëve dhe elitës shqiptare që besojnë se vetëm ata janë të zgjuar mjaftueshëm për të kuptuar se cfarë po ndodh në shoqërinë shqiptare”.
Ambasadori Lu është i bindur se qytetarët shqiptarë e kuptojnë më së miri reformën në drejtësi, ndërsa tha se tashmë ka ardhur koha që politikanët shqiptarë të dëgjojnë popullin e tyre.
Donald Lu:
“Nga e di unë se shqiptarët e kuptojnë reformën dhe problemin e korrupsionit? Për shkak të studimeve serioze të Shoqërisë Civile. Ai është kryer në mënyrë profesionale. Raporti tregon pak përparim gjatë 12 muajve të fundit me një rënie prej 13% të njerëzve që thonë se kanë pasur një përvojë vetjake dhe të drejtëpërdrejtë me korrupsionin. Studimi vazhdon të tregojë se problemet më të mëdha të korrupsionit mbeten tek udhëheqësit e partive politike, prokurorët, gjykatësit dhe doganierët. Nuk habitem aspak nga ky përfundim. Ai tregon se populli shqiptar e kupton me të vërtetë se cfarë po ndodh me korrupsionin në Shqipëri. Ka ardhur koha që politikanët të fillojnë ta dëgjojnë”.