Trump duket se po pret me padurim hyrjen në Shtëpinë e Bardhë dhe diçka e tillë është shumë e qartë në profilin e tij zyrtar në Facebook, ku po behet numërimi i tij i përditshëm qe po i afrohet fundit. Krahas numrave, për të vërtetuar padurimin e tij për të marrë ne dore drejtimin e vendit më të fuqishëm në botë shërben dhe ky statusi në fb. “Për shumë vite vendi ynë ka jetuar i ndarë, i inatosur dhe pa besim. Shumë thonë se nuk do të ndryshoje kurre, pasi urrejtja është shumë e thellë. DO TË NDRYSHOJË”. Ky eshte premtimi i Donald Trump. Fjalë të forta për një President që premton të jetë gjithashtu i fortë.

Vetem ditet e fundit ai ka bërë një sërë deklaratash të forta:

Për kancelarin gjermane Angela Merkel disa ditë më parë u shpreh.  “Mendoj se Merkel ka bërë një gabim katastrofik duke marrë gjithë ata migrantë ilegalë”, kritikoi Trump.

Donald Trump ka akuzuar Gjermaninë gjithashtu se po dominon BE-në.

“E shikoni Bashkimin Evropian  është në përgjithësi një instrument për Gjermaninë. Mendoj se kjo është një arsye e mirë për Britaninë e Madhe për të dalë”, tha presidenti i zgjedhur.

Trump ka vlerësuar gjithashtu se edhe vende të tjera do të largohen nga Bashkimi Evropian.  Ndersa e cilesoi Naton nje strukture te panevojshme.