Këngëtarja 48-vjeçare ka pozuar së fundmi për numrin e ri të revistës Fault tërësisht nudo. Plani i saj ishte të tregonte shenjat e mastektomisë, e cila konsiston në heqjen totale të gjirit të prekur nga tumori, para se ta bënin paparacët. Të gjithë e dimë që prej kohësh artistja ishte në luftë kundër kancerit, e vendosur të bënte një mastektomi të dyfishtë njëherë në vitin 2003 e më pas në 2013. “Më në fund ndihem e fuqishme dhe aspak nervoze që të tregoj shenjat e mia” është shprehur këngëtarja për revistën Fault. Anastacia është tashmë pjesë e emisionit “Strictly Come Dancing”, e cila e ka ndihmuar atë të ndjejë feminitetin e saj dhe besimin në vete, gjë që prej kohësh e kishte humbur.