Diva hollivudiane ka ndërprerë procedurat e divorcit dhe duket se ekziston një mundësi reale që të kthehen së bashku. Ishin miqtë e yjeve të cilët e bënë të ditur lajmin, duke thënë se “divorci është anulluar”. Ata pretendojnë se Angelina dhe Brad nuk kanë bërë asgjë që ta finalizojnë prej muajsh dhe disa mendojnë që nuk do ndodhë kurrë. Të njëjtat burime bëjnë me dije se diçka e tillë ka ndodhur pas përpjekjeve të Brad për ta rifituar ish-partneren e tij, duke arritur deri aty sa ka lënë pijen. Mësohet se Angelina është prekur nga kjo gjë dhe ka vendosur që t’i rimendojë edhe një herë gjërat. Dukej shumë e vështirë që një ribashkim të ndodhte pas ndarjes së tyre të shëmtuar plot një vit më parë, por ja që në botën e spektaklit nuk ekzistojnë gjërat e pamundura.