Britania e madhe ka dy ngjarje të rëndësishme ditën e sotme. Princ Harry dhe Meghan Markle do të zhvillojnë një dasmë madhështore që do të marrë vëmendjen e të gjithë botës. Dilemën më të madhe e kanë anglezët pasi ata duhet të zgjedhin se cfarë do të shikojnë pasi sot luhet edhe supersfida midis Chelsea dhe Manchester United.

Të dy ekipet kanë mundësinë e fundit për të shpëtuar sezonin me trofe. “Blutë” kanë zhgënjyer më shumë, duke e mbyllur Premier League në vendin e pestë pasi e nisën sezonin si kampionët në fuqi. “Djajtë e Kuq” e kanë mbyllur kampionatin në vendin e dytë, por paraqitja e treguar nga skuadra në këtë sezon ka krijuar shumë pakënaqësi mes tifozëve.

Manchester United ka fituar shtatë ndeshjet e fundit që ka luajtur në “Wembley”, duke përfshirë këtu edhe fitoren e marrë kundër Tottenham në gjysmëfinalen e luajtur muajin e kaluar.