Bandë shqiptare edhe në Britaninë e Madhe. Mësohet se 8 shqiptarë që trafikonin kokainë të pastër, janë vënë në pranga nga policia anglezë. Arrestimi i shqiptarëve u bë me akuzën e trafikimit të lëndëve narkotike. Në mediat angleze shkruhet se shqiptarët në bashkëpunim me njëri-tjetrin shisnin kokainë të pastër.
Ndërsa një drejtues i policisë angleze që udhëhoqi operacionin për shpërbërjen e bandës kriminale, u shpreh të arrestuarit vepronin me njëri-tjetrin prej disa kohësh dhe shisnin kokainë të cilësisë së lartë. Autoritetet sekuestruan gjithashtu edhe shuma të mëdha parash, por nuk kanë saktësuar shifrën.
Të arrestuarit janë:
1. Ramazam Çapa 21 vjeç
2. Genti Çapa 26 vjeç
3. Ndriçim Xhepa 28 vjeç
4. Gledis Osmani 21 vjeç
5. Mevlan Dema 34 vjeç
6. Leonard Dema 35 vjeç
7. Klinton Dani 23 vjeç
8. Kadri Dema 23 vjeç
Sipas mediasve angleze, Mevlan Dema dhe Leonard Dema kanë qenë të akuzuar më parë për pastrim parash. 8 shtetasit shqiptarë akuzohen për shitje dhe furnizim me lëndë narkotike kokainë.