Ministrja e Arsimit Lindita Nikolla i’u është përgjigjur ankesave të maturantëve duke thënë se tashmë ka një sistem të ri i cili lehtëson zgjedhjen e degëve ku ata duan të studiojnë. Nikolla në një prononcim pasditen e sotme u ka bërë thirrje maturantëve dhe prindërve të tyre, që të rrinë të qetë, sepse lista përfundimtare e fituesve do të dalë më 20 shtator. 

Janë 24 mijë kuota në universitete publike, për 27 mijë maturantë që kanë aplikuar, ndërkohë që janë edhe 9890 vënde në universitet jopublike, shumë më shumë sesa numri i aplikantëve, sipas Nikollës.

Ministrja e Arsimit theksoi se pranimin në universitete bëhet nga vet institucionet arsimore. Siç njofton ministrja Nikolla, fituesit janë shpallur mbi kriteret që kanë përcaktuar universitetet.

Regjistrimi në universitete do të nisë në datën 13 shtator dhe kandidatët fitues duhet të regjistrohen online si dhe të dorëzojnë dokumentet pranë fakulteteve përkatëse.