Vizitoi spitalet, madje edhe morgun në Goudy Athinë, për të gjetur gjurmë të fëmijëve të tij. Kjo është historia e Yannis Filipopoulos,  babai i dy vajzave binjake 9-vjeçare që i kërkonte. Momente të tilla agonie po përjetojnë shumë  të afërm të personave që figurojnë të zhdukur nga zjarret në Athinë. Filipopoulos, babai i dy binjakeve, ka drejtuar një apel përmes ekranit të televizioneve greke për këdo që di diçka për vajzat e tij, që ta informojnë. Ai tha se në një prej televizioneve kishte parë që vajzat e tij të mitura u shpëtuan nga një anije në Rafinë dhe më pas u transportuan në tokë.