Studenët kanë nisur provimet. E meraku për vlerësimin shpesh herë i ngarkon me ankth dhe stres duke bërë, që shumë nga ta kenë të vështrirë përqëndrimin. Profesoresha dhe sociologia, Edlira Haxhiymeri në një intervistë për IN Tv thotë se vitet e fundit mënyra e vlerësimit të studentëve në Universitete i lehtëson disi dhe sqaron dhe arsyet.

“Tani në programet e lëndëve janë të përfshira disa kategori që bëhen pjesë e vlerësimit final, testi i mesit të simestrit, detyrat e kursit dhe kuicet. Pra do të thotë që provimi nuk është i vetmi kriter vlerësimi për studentët. Po ai mban gjithësesi pikët më të shumta dhe për rrjedhojë studentët mbartin stres,” tha sociologia për IN News.
Po kush kategori studentësh është më e rrezikuar nga stresi gjatë provimeve?
Haxhiymeri thotë: “Studentët, që kanë natyra të mbyllura dhe ata të ndjeshmit janë më të rrezikuar të preken nga stresi dhe për t'u bllokuar gjatë provimeve.”
Sociologia Haxhiymeri ka dhe disa këshilla për menaxhimin e stresit. Ajo e nis nga kolegët e saj që duhet të jenë tolerantë dhe më pas udhëzon dhe studentët.
“Kolegët e mi të mos jenë të ftohtë dhe të prerë, që studentët të lehtësohen. Ndërsa studentët në këtë fazë duhet të merren me më shumë aktivitete fizike më,” sqaroi për IN News Edlira Haxhiymeri.