Kapiteni kuqezi, Ansi Agolli, në përfundim të ndeshjes ka analizuar 90-minutat dhe episodin me tifozët. Gjithashtu ai ka zbuluar çfarë ka diskutuar me portierin e Italisë, Gianlugi Buffon.

“Në fakt i thashë unë Xhixhit, i bëra një urim në emër të skuadrës dhe ai ma ktheu me një falenderim. Momenti me tifozët? Gjëra që nuk duhet të ndodhin edhe pse janë pjesë e futbollit. E mirëkuptuan thirrjen tonë. Mendoj se sulmuam që në fillim por të vjen keq që u ndëshkuam nga një Itali mjaft cinike. Vetëm dy herë na erdhën në portë dhe na shënuan me një 11-metërsh. Mendoj se çunat kanë bërë një ndeshje mjaft të mirë përballë një skuadre të madhe”, ka deklaruar kapiteni kuqezi Ansi Agolli.