Prej disa ditësh është folur për finalen e madhe të “Dance With Me” dhe është aluduar shpesh nëpër mediat online dhe rrjetet sociale se kush do triumfojë. Emrat më të përfolur janë Albi Isakaj dhe Ana Lika si dhe Xhensila Pere me Trim Jetullahun, por e sigurtë është që fituesin nuk do e mësojmë sonte.  Pak minuta para fillimit të spektaklit Alketa Vejsiu ka njoftuar se në orarin kur shfaqet spektakli do të transmetohet "Opinion" për shkak të ngjarjeve të aktualitetit të dites së sotme. Moderatorja dhe producentja njofton se "Dance With me" do të transmetohet natën e Krishtlindjeve, më 25 dhjetor teksa në fund të njoftimit shkruan se po priste me padurim takimin e radhës.

"Grand Finale te henen qe vjen date 25 dhjetor! Finalja e spektaklit Dance With Me do te transmetohet ne 3 ore transmetimi fantastik te henen qe vjen; kjo per shkak te ngjarjeve te aktualitetit te dites se sotme qe do te pasqyrohen ne nje episod special te Opinion ne Tv Klan. Faleminderit per mirkuptimin! Po prisja me padurim takimin e rradhes me ju!", shkruan Alketa Vejsiu.