Në ditën e parë të regjstrimeve në universitete të parët që kanë nxituar të regjistrohen janë maturantët më të lumtur ata që kanë mundur të fitojnë degën e preferuar. Ata që në orët e para të mëngjesit kanë shkuar pranë sekretarive mësimore dhe kanë kryer sot procedurat e regjistrimit. Me kameran e IN NEWS kemi ndjekur nga afër procesin në disa fakultete. Na ra në sy që nuk kishte shumë radhë si vitet e mëparshme ndoshta për faktin se shumica nuk kanë fituar në degët më të preferuar dhe po presin raundet e tjera.

Po u ndeshëm dhe me pak maturantë që nuk kanë fituar preferencën e parë dhe nga frika se mos mbeten pa shkollë të lartë, nuk kanë pritur fazat e tjera dhe janë regjistruar në degën më pak të preferuar. Këta madje nuk kanë nguruar as të kritikojnë procesin e gjatë n.p.m fazave.

Aplikantët të cilët janë shpallur fitues në raundin e parë nga sot deri në 12 shtatort mund të kryejnë procesin e regjistrimit në sekretaritë e fakulteteve. Regjistrimet e raundit të parë janë ndarë në 7 faza 48 orëshe. Nëse nuk regjistrohet brenda ketij afati, aplikanti e humb të drejtën e regjistrimit. Po nëse mbeten kuota të lira ai ka shanse sërisht pasi mund të regjistrohet në raundin e dytë apo të tretë.