Në postimin e tij të fundit në Instagram, Ardi Asllani ka ngacmuar Ledrin mbi këngën e tij të re, “U Harrum”, të publikuar vetëm dy ditë më parë. Shkas është bërë një nga vargjet e tekstit, “Malli ëm ka marrë”, e cila është vënë në qendër të ngacmimit të Ardit. Duke thumbuar mungesën e saktësisë së gjuhës shqipe, ai ka vendosur në mbishkrimin e fotos “Ta gëzojmë shqipen, gjuhën ëm të vjetër në Ballkan”. Nuk kanë munguar as reagimet nga emra të njohur, të botës së spektaklit apo medias, të cilët kanë mbrojtur Ledrin nëpërmjet komenteve të tyre që qartësisht janë nisur me shaka. Megjithatë, duhet thënë që kritika qëndron, të paktën duke u bazuar në drejtshkrimin e gjuhës shqipe.