Edhe pse ndoshta nuk ka mbaruar mjekimin në spitalin e burgut, Ardian Çapja do të dërgohet në burgun 313, pasi të lërë gjurmë e gishtave në polici. Ai është parë me serum në dorë. Çapaj kishte shfaqur probleme shëndetësore me zemrën dhe që prej të enjtes ndodhej në spital.
Ardiani është pjesëtari i fisit Çapja që u arrestua disa ditë më parë në Elbasan, pas hetimit për të shtënat drejt policisë.
Bashkë me të u arrestuan 7 persona, Florenc Çapja, Bledar Muça, Sergio Hakilja, Ambri Sinakoli, Fiqiret Meçe, Kastriot Peqini, Jetmir Shehu.
Disa ditë më parë të shtëna me armë tronditën qytetin e Elbasanit pas shkëmbimit të zjarrit mes disa personave dhe efektivëve të policisë.
Ishin anëtarë të fisit Çapja që qëlluan me armë zjarri në drejtim të efektivëve të policisë, të cilët i janë kundërpërgjigjur me shkëmbim zjarri.