Një furtunë shkarkimesh ka ndodhur ditën  e sotme në rradhët e policisë së shtetit. Por një nga shkarkimet më të bujshme ishte padyshim shkarkimi i Ardian Çipës nga posti i Drejtorit të Policisë për Sektorin e Krimeve në Policinë e Shtetit.

Ndërkohë pritet që ky shkarkim të pasohet dhe nga shkarkime të tjera në strukturën e policisë së shtetit.

Ardian Çipa në prononcimin e parë pas shkarkimit nga detyra u shpreh për portalin GSH.al se bëhet fjalë për një lëvizje normale në rradhët e policisë dhe se ai mbetet një efektiv i policisë së shtetit. Më tej ai shtoi se pret të marrë vesh postin e ri ku do të emërohet.

“Po. është e vërtetë që do të largohem nga detyra që kam mbajtur. Nuk është vendosur ende nëse do të jem në sektorin e Mbrojtjes së Dëshmitarëve, pasi ende nuk ka një urdhër konkret apo një vendim për pozicionin e ri. Jemi punonjës policie, herë do promovohemi dhe herë do ulemi në detyrë”, tha Çipa.

Ndërkohë, përflitet se Çipa do vendoset në krye të Drejtorisë së Mbrojtjes së Dëshmitarëve.