Jemi në fundvit dhe ëmbëlsira e Krishtlindjeve, panetone ndodhet në çdo tryezë të familjeve shqiptare, si më e preferuara ndër të tjera.

Edhe për moderatorin Ardit Gjebrea kjo ëmbëlsirë është e parezistueshme. Të gjithë e dimë që Gjebrea, ka një dashuri shumë të madhe për ushqimin, të cilën nuk nguron ta shprehë në çdo dalje publike.

Ndonëse është në formë mjaft të mirë fizike sërish Arditi duket se nuk u bën dot ballë disa ushqimeve. Ai ka publikuar ditën e sotme një foto në të cilën ka treguar se ka ngrënë më shumë se gjysmën e panetones, ëmbëlsirës së Krishtlindjeve.

Për të treguar se si e ka nisur ditën sot, Arditi ka publikuar një foto mbi të cilën shkruan: “Thashë do dal pak më vonë sot se paskam gjumë… po mos fjeta? Ja rezultati! Iku gjysma! Tani më flihet”.