Futbollisti i West Hamit Manuel Lanzini  pësoi një dëmtim në ligamentet e gjurit të djathtë gjatë një seance stërvitore, lajm që u konfirmua nga Federata argjentinase e Futbollit nëpërmjet një postimi në rrjetin social “Twitter”.

Sipas të përditshmes argjentinase “Clarin”, vendin e Lanzinit, i cili në këtë sezon shënoi 5 gola në 29 ndeshje, mund ta marrë Diego Perotti i Romës, ose Erik Lamela i Tottenhamit, me këtë të fundit që është një surprizë, duke qenë se ai ishte lënë edhe jashtë listës paraprake për këtë kompeticion.

Lanzini, që është futbollisti i dytë pas portierit Romero që braktis Botërorin për shkak dëmtimi, është me të vërtetë i pafat, pasi edhe në vitin 2016, ai nuk mundi të marrë pjesë në Lojërat Olimpike të Rio de Janeiros, sërish për arsye dëmtimi.