"Toke Rroke" e sjell Arilena Arën seksi, me një egërsi të ëmbël , gjithë ngjyra dhe me ritëm.  Me siguri do rrëmbejë vëmendjen maksimale si me look-un ashtu edhe me këngën dhe klipin.

Klipi është realizuar në dy kryeqytetet  Tiranë dhe Prishtinë, pas një pune të palodhshme  të ekipit që e ka shoqëruar dhe vetë Arilenën, e cila në këtë klip ka shfaqur talentin e shndërrimit, duke dalë nga konturi i deritanishëm i figurës së saj artistike, me katër pamje të ndryshme, ekstravagante, me ngjyra të ndezura, por edhe në rolin e një vajze të egër apo joshëse.

Kënga është kompozuar nga Irkenc Hyka, teksti Rozana Radi, orkestrimi Darko Dimitrov dhe Image Maker Miranda Dupi.

Vetë këngëtarja është  e kënaqur me punën e bërë nga gjithë ekipi për realizimin e kësaj videoje. Tashmë iu mbetet ju që ta shijoni.