Një rikthim pas në kohë për blogeren bukuroshe, e cila u ka treguar fansave një detaj shumë të këndshëm mbi fëmijërinë e saj. Në një foto të postuar në Instagram mbrëmjen e djeshme, bukuroshja shfaqet më casual se zakonisht, me xhinse, flokë të kapura, bluze me fytyrë maceje dhe këpucë “ballerinas”. Pikërisht këto të fundit i kanë ngjallur kujtimet e fëmijërisë Arminës, e cila në mbishkrim ka vendosur fjalët “Armina Balerina”. Më pas u ka treguar të gjithëve se kështu e quante veten kur ishte e vogël. Me siguri duhet të ketë qenë edhe “Miss Pallati” dhe “Miss Lagjia”, që siç mbani mend të gjithë janë konkurset më prestigjoze për një fëmijë ndërkohë që rritet.