Gjykata e Durrësit ka caktuar masën e sigurisë 'arrest me burg' për katër të arrestuarit të 3.4 milion eurove që u bllokuan disa ditë më parë në Portin e Durrësit.

Deri në fund të hetimit Edi Lika, djalin e tij Klevi, Arben Çeka dhe Alban Mollaymeri do të qëndrojnë në qeli. Ata akuzohen për pastrim parash, armëmbajtje pa leje dhe falsifikim parash në kuadër të grupit të strukturuar kriminal. Pas kësaj seance dosja pritet t’i kaloje krimeve të rënda për kompetencë. Në të gjithë materialin e prokurorisë thuhet se ky është një grup i strukturuar kriminal sëbashku me dy kushërinjtë e shpallur ne kërkim Elvis dhe Alfred Vladit.