3 akuza ndaj dy efektivëvë të policisë së burgut të Fierit. Sipas njoftimit të Policisë së Shtetit, dy punonjës të burgut të Fierit janë arrestuar në flagrancë pasi u kapën duke futur lëndë narkotike për të dënuarit. Të arrestuarit janë 21-vjeçari Ledio Pashaj dhe 26-vjeçari Lusiano Rexha, të dy me detyrë punonjës policie në regjimin e brendshëm të burgut Fier dhe të dy banues në Cakran.
Njoftimi i Policisë:
“Arrestohen në flagrancë dy punonjës të burgut Fier për veprat penale "Prodhim dhe shitje e narkotikëve", Futja ose mbajtja e sendeve të ndaluara në institucionin e ekzekutimeve të vendimeve me burgim" dhe "Shpërdorim i detyrës".
Të arrestuar janë:
1.Ledio Pashaj, 21 vjeç, banues në fshatin Cakran, Fier.
2.Lusiano Rexha, 26 vjeç, banues në Cakran, Fier.(Të dy me detyrë punonjës policie në regjimin e brendshëm të burgut Fier).
Arrestimi i tyre u bë pasi në bazë të informacioneve që disponoheshin, se këta punonjës fusnin lëndë narkotike brenda tek të denuarit, më datën 20.09.2016, ora 14:15, gjatë kontrollit fizik të ushtruar këtyre punonjësve , Neninspektor Ledio Pashaj dhe Lusiano Rexha, në pjesën e fundshpinës i janë gjetur dy paketime të mbështjella me letër celefoni me lëndë narkotike Cannabis Sattiva me peshë 11.1 gramë të cilat u sekuestruan në cilësinë e provës materiale.
Nga kontrolli i banesës së shtetasit Lusiano Rexha janë gjetur dhe sekuestruar një sasi prej 41 gramë lëndë narkotike e dyshuar Cannabis Sattiva”.