Policia e Korçës ka arrestuar babë e bir për plagosjen e krushkut të tyre. Mësohet se shtetasi Petrit Çaushllari 47 vjeç dhe djalin e tij Emiljano Çaushllari 21 vjeç, të dy banues në fshatin Buçimas të Pogradecit pas një konflikti për motive të dobëta, kanë goditur me mjete të forta në kokë dhe trup, shtetasin P.B 60 vjeç. Po kështu i plagosur ka mbetur edhe djalin i tij S.B 26 vjeç. Ngjarja është regjistruar në banesën e këtyre të fundit në fshatin Dërsnik të Korçës. Nga hetimet e kryera rezulton se autorët e dyshuar të ngjarjes, kanë lidhje krushqie me dy të plagosurit, pasi vajza e Petrit Çaushllarit është nusja e djalit të shtetasit P.B dhe kunata e S.B. Mësohet se P.B aktualisht ndodhet në Spitalin Rajonal të Korçës, ku po trajtohet.