Policia ka vënë pranga autorin e dyshuar të vrasjes së 36-vjeçarit në Dibër. Aleksandër Balla, akuzohet për vrasjen e Ismail Zogut. Ngjarja e rëndë ndodhi gjatë mbrëmjes së të dielës në një lokal në fshatin Arras. Tre persona të tjerë u arrestuan më parë për ngjarjen. Vëllai i 23-vjeçarit, Vangjel Balla si dhe pronari i lokalit ku ndodhi ngjarja dhe djali i tij. Nga veprimet hetimore të kryera dyshohet se Aleksandër Balla, gjatë një konflikti për motive të dobëta në një lokal në fshatin Arras në bashkëpunim me vëllanë e tij kanë vrarë me thikë 36-vjeçarin, banues në fshatin Sinë. Ky i fundit ndërroi jetë rrugës për në spital. Materialet hetimore do ti kalojnë Prokurorisë Pranë Gjykatës së Shkallës Parë Dibër për veprën penale “Vrasje me paramendim”, kryer në bashkëpunim.