Aleksandër Ndërlala, 43 vjeç është supergrabitësi që për 6 muaj ka hapur 60 banesa dhe ka mundur ti vjedhë. Ai përdorte karta krediti dhe çelsa të cilat bënin që ai të mund të hynte në dhjetra banesa në kryeqytet. Ndërlala kartat bankare, i fuste në hapësirën e çelësit dhe dyert hapeshin në ato raste kur nuk ishin siguruar mirë me çelës.
Për të policia thotë se disponon prova të forta. Policia arriti të gjejë provat dhe pamjet filmike dhe pas 6 muajsh arriti të vërë në pranga superhajdutin. Mësohet se ai vepronte krejt i vetëm, pa asnjë ndihmë e askujt.