Eksperti britanik i sigurisë kibernetike i cili parandaloi sulmin e WannaCry globale të IT-së që goditi NHS është arrestuar dhe akuzuar në SHBA për 'krijimin dhe shpërndarjen e programit për të vjedhur detajet e klientëve të bankës. 23-vjeçari Marcus Hutchins i cili u përfol në media si personi i cili kishte ndaluar përhapjen e virusit mund të përballet me një dënim maksimal prej 40 vjet burg në SHBA nëse shpallet fajtor për akuzat. Hutchins, i cili ishte në një konferencë për piraterinë në Las Vegas, kur u arrestua nga FBI, përballet me gjashtë akuza , për krijimin, shpërndarjen dhe mirëmbajtjen e programit të vjedhjes së bankave “Trojan Kronos”. Sipas aktakuzës së Departamentit amerikan të Drejtësisë, veprat e pretenduara u kryen në mes korrikut 2014 dhe atij të 2015. I riu është akuzuar ka bashkëpunuar me një person tjetër emri i të cili nuk është bërë i ditur. Aktakuza pretendon se Hutchins krijoi programin dhe personi tjetër më pas e shiti atë për 2,000 dollarë online. Sipas një avokati amerikan të specializuar në mbrojtjen e kriminelëve të dyshuar në internet, dënimi maksimal ligjor që eksperti britanik mund të përballojë është, rreth 40 vjet.