Ditëve të fundit është shkaktuar një "furtunë" në sistemin e drejtësisë së vendit. Pikërisht pas shkarkimit të 4 prokurorëve në Elbasan, Durrës, Kukës e Fier, kryeprokurorja e përkohshme, Arta Marku merr një tjetër vendim tashmë për të gjithë prokurorët e vendit.

Marku ka urdhëruar që të ngrihet një grup pune me qëllim që të verifikohen të gjitha shkeljet në punën e prokurorëve në rang vendi.

Ky grup pune do të inspektojë punën e të gjitha prokurorive dhe në rast se konstatohen shkelje do të nisë procedim disiplinor ndaj prokurorëve të caktuar.