Në bodrumet e Muzeut Kombëtar rigjenden në mënyrë të papritur mbetjet trupore në trajtë relikuari të Shinjon Vladimirit (shën Gjon) – njerit prej shenjtëve më të rëndësishëm të kulturës dhe historisë mesjetare të Ballkanit jugor e më gjërë.

Studiuesi, Artan Shkreli ka publikuar lajmin për këtë zbulim dhe ka shkruar: “Ato ishin ruajtur prej 1000 vjetësh dhe janë pikërisht ato mbi të cilat Arbni Karl Topia kish ngritur për adhurim të tyre, kishën dhe manastirin e famshëm të Shijonit në Elbasan në Treqindën e largët. Askush nuk e dinte se ekzistonin! Kjo është një ngjarje e rëndësishme e kulturës shqiptare dhe asaj ballkanike. Ekspozimi i tyre, tashmë i domosdoshëm, kërkon kujdes dhe një studim të veçantë shoqërues!"