Ka vijuar edhe sot protesta e artistëve kundër prishjes së godinës së Teatrit Kombëtar, me mbështetjen e shumë qytetarëve dhe aktivistëve të shoqërisë civile.

Por lidhur me kauzën e artistëve ka reaguar edhe kryetari i Partisë Demokratike Lulzim Basha, i cili shpreh mbështetjen e forcës së tij politike dhe i bën thirrje qytetarëve t’i bashkohen kësaj proteste.

“Partia Demokratike është kundër prishjes së Teatrit Kombëtar, Partia Demokratike do të qëndrojë fuqishëm në krah të artistëve dhe iu bën thirrje qytetarëve, artdashësve t’i bashkohen protestës së tyre legjitime”, shkruan Basha.