Koronavirusi nuk i ka ndalur artistët shqiptarë të punojnë për të publikuar projekte të reja muzikore. Madje ka patur edhe nga ata që kanë nxjerrë në treg albume të reja si dhe po punojnë për ndonjë të tillë.

Është bërë pothuajse si “minirubrikë” në inlife.al që zakonisht fundjavave ju tregojmë se cila ka qenë kënga më e dëgjuar nga shqiptarët dhe këtë detaj do ua tregojmë edhe sot.

Javët e fundit janë publikuar disa këngë që janë pëlqyer shumë nga dëgjuesit shqiptarë dhe me një kërkim të vogël në Youtube vumë re se cila prej tyre po dëgjohet më së shumti.

Bëhet fjalë për këngën e re të Noizyt, “Naughty naughty”. Ky bashkëpunim vjen me reperët Predz UK, Sëarmz, dhe S1mba, ndërsa është vizualizuar edhe me një klip mjaft atraktiv, në të cilin nuk mungojnë femrat joshëse me bikini.