Kryeqyteti rrezikon të përfshihet nga kaosi në trafik, pasi duke nisur nga data 27 deri në 31 maj do të zhvillohen punimet e Asamblesë së Natos dhe për arsye sigurie shumë akse rrugore do të bllokohen. Madje në zonën ku do të mbahet Asambleja nuk do të qarkullojnë as kalimtarët.

Drejtoria e Policisë së Tiranës, njofton se cilat janë rrugët:

- Bulevardi "Dëshmorët e Kombit", nga kryqëzimi me Rrugën "Abdyl Frashëri" deri tek Sheshi "Nënë Tereza"
- Rruga Ibrahim Rugova, nga kryqëzimi me Rrugën "Abdyl Frashëri" deri tek Sheshi "Fryderyk Franciszek Chopin"
- Rruga Lekë Dukagjini, nga Sheshi "Fryderyk Franciszek Chopin" deri tek Sheshi "Italia"
- Bulevardi "Dëshmorët e Kombit", në kryqëzim me Rrugën "Papa Gjon Pali II"
- Sheshi "Italia", Rruga përball Stadiumit Kombëtar "Qemal Stafa"

Edhe Parkingu i Bashkisë Tiranë i vendosur në Sheshin "Nënë Tereza" nuk do të funksionoi  gjatë ditëve të këtij Sesioni. Edhe kalimtarët se nuk do të lejohen të lëvizin për rreth zonës së Pallatit të Kongreseve.