Vazhdon aksioni i policisë për gjetjen dhe asgjësimin e bimëve narkotike, dhe ditën e sotme, Policia e Vlorës ka asgjësuar 10.000 rrënjë bimë narkotike të llojit “Cannabis Sattiva”, në fshatin Ramicë. Mirëpo nuk është bërë akoma i mundur arrestimi i kultivuesve, të cilët pas identifikimit janë shpallur në kërkim. 4 personat e shpallur në kërkim nga Policia janë, D. P., 66 vjeç, P. P., 57 vjeç, V. P., 68 vjeç, P. C., 52 vjeç, banues në fshatin Ramicë, Vlorë. Këta shtetas, në vendin e quajtur "Luadh" pranë fshatin Ramicë, dyshohet të kenë kultivuar rreth 10.000 bimë narkotike "Cannabis sattiva", të mbjella nëpër tokat e tyre në kufi me njëra-tjetrën, të cilat u asgjësuan me copëtim dhe djegie.