Vazhon aksioni i Policisë së Shtetit, për identifikimin dhe asgjësimin e bimëve narkotike në vend, ku ditën e sotme në sajë të një operacioni të zhvilluar, janë asgjësuar rreth 27 300 bimë narkotike e llojit kanabis sativa. Rrënjët ishin të vendosura në 14 parcela në vendin e quajtur “Bamull”, në fshatin Luzat, Tepelenë, dhe u asgjësuan me anë të djegies. Policia njofton se po punohet për identifikimin dhe kapjen e autorëve.