Një i ri 20 vjeçar është arrestuar dhe një tjetër person është shpallur në kërkim, me akuzën e kultivimit të lëndëve narkotike. Ngjarja ka ndodhur në dy fshatra të Krujës, ku plot 4 mijë rrënjë cannabis sattiva janë zbuluar dhe asgjësuar me djegie.
Nga të dhënat e uniformave blu mësohet se është arrestuar Edison Çangu 20 vjeç, banues në fshatin Verion, Krujë.
Njoftimi i policisë:
“Gjatë kontrollit të ushtruar në pronën e tij, në fshatin Verion u konstatuan dhe u asgjesuan me anë të djegies: rreth 2850 bimë narkotike të dyshuara të llojit Cannabis Sattiva”.
Ndërsa është shpallur në kërkim I.S. 41 vjeç, banues në Arrameras, Krujë, pasi gjatë kontrollit të ushtruar në fshatin Arrameras u gjetën dhe u asgjesuan me anë të djegies rreth 1150 bimë narkotike të dyshuara të llojit Cannabis Sattiva.