Në kohët kur teknologjia është bërë primare, kompani të mëdha si Apple apo Samsung duket sikur nuk lënë shumë vend për konkurrencë.

Por edhe pse konkurrenca në tregun e tabletëve po shuhet ngadalë, kompanitë janë ende të interesuara për të dizajnuar pajisje të reja.

Kompania Asus paralajmëron tablet të ri premium Android i cili pritet që të jetë rival i drejtpërdrejtë i tabletit të Samsungut, Galaxy Tab S2, dhe serisë së tabletëve iPad të Apple-it.

Tableti i ri ZenPad 3S 10 vjen me ekran 9.7-inç me rezolucion prej 2048 x 1536 pikselë, procesor 2.1 GHz 64-bit MediaTek MT8176, 4 gigabajt RAM memorie dhe 32 gigabajt memorie të brendshme me mundësi zgjerimi, si dhe me baterinë prej 5.900 mAh.