Një person është gjendur i vrarë me armë zjarri brenda makinës së tij.

Viktima është qëlluar me disa plumba teksa gjendej në automjetin e tij tip “Wolkswagen” me targa AA 166 IY në një rrugë të populluar të qytetit të Fierit dhe sipas dyshimeve paraprake, ka shumë dëshmitarë të cilët mund të kenë parë gjithë skenën e krimit.

Viktima është identifikuar Nelgert Pata, 34-vjeç nga Memaliaj, i cili njihet si person me precedent penal, pasi rezulton i dënuar me 16 vite burg për prostitucion. Gjithashtu, Pata rezulton i përfshirë edhe në vrasjen e ndodhur në 1 maj të këtij viti te lokal "De Niro" në Tiranën e re, ku u ekzekutua Elton Çiça. Në 22 gusht të këtij viti, Patës iu bë një atentat me armë në Tiranë, ku mbeti i plagosur. 

 Policia ka shkuar në vendin e ngjarjes dhe po heton për të zbardhur të plotë krimin e rëndë. Sakaq, në fshatin Zhupan është gjetur një makinë e djegur që dyshohet se i përket autorëve, ende të paidentifikuar.