Është një vend mjaft i zhvilluar, por kur vjen puna tek femrat ato kanë shumë kufizime. Por duket se një lëshim i kryer së fundi do të bëjë që femrat të mos të privohen nga drejtimi i mjeteve. Tashmë Arabia Saudite ka lëshuar patentat e para për shoferet femra pas shumë dekadash. Kjo nismë është marrë disa javë para se të hiqet ndalimi i drejtimit të automjeteve prej femrave që është data 24 qershor.

 

Ditën e sotme dhjetë femra morën patentat në qytete të ndryshme në Arabi. Por, mësohet se janë të shumta femrat që kanë shfaqur interes për të aplikuar për patentë. ku janë shënuar rreth 2000 kërkesa. 

Ligjet e Arabisë Saudite kërkojnë që gratë të kërkojnë leje për vendime dhe veprime të ndryshme, dhe kjo shtrihet në ndalimin e drejtimit të mjeteve. Më parë familjet duhet të punësonin shoferë privatë për të transportuar gratë.

 

Grupet e të drejtave në mbretëri kanë bërë fushatë për vite me radhë për t'i lejuar gratë që t’i japin makinës dhe disa prej tyre janë futur në burg për sfidë ndaj sundimit.