Aubameyang drejt Kinës. Sulmuesi i Borussia Dortumund duket se sezonin e ardhshëm do të luaj larg Europës. Futbollisti nga Gaboni është i gatshëm të pranojë ofertën e bërë nga skuadra kineze, Tianjin Quanjian, që drejtohet nga italiani Fabio Canavaro. Sipas asaj që raporton gazeta gjermane “Bild” tratativat mes palëve janë në fazë të avancuar. Marrëveshja në total kap shifrat e 180 milionë Eurove, ndërsa Aubameyang do të përfitojë 30 milionë Euro në sezon.

28-vjecari dukej se ishte vetëm një hap larg Pari Saint Germain, por në fakt po ndodh e kundërta. E ardhmja e sulmuesit pritet të jetë në Kinë. Pas Witsel dhe Pato, ekipi Tianjin Quanjin është gati të mirëpresë në radhët e tyre edhe Auabmeyang. Nëse marrëveshja arrihet atëherë, Pierre Emerick Aubameyang, do të jetë një tjetër emër i shtuar në listën e futbollistëve cilësorë, që preferon të largohet nga ligat elitare europiane, për të pasur përfitime më të mëdha ekonomike.