Autoritetet turke kanë shpërndarë 47 mandat-arreste për gazetarë të dyshuar për lidhje me rrjetin e Fetullah Gulenit, i akuzuar nga Ankaraja për orkestrimin e grushtit të dështuar të shtetit të 15 korrikut, njoftoi televizioni CNN Turk.

Ndërmjet tyre janë shumë ish-reporterë të së përditshmes opozitare ”Zaman”, që u sekuestrua në fillim të muajit mars.

Ndërkohë, gazetari i njohur Sahin Alpay është arrestuar.

Kjo listë përfshin ish-kryeredaktorët e botimit anglisht të kësaj gazete, Bulent Kenes dhe Sevgi Akarcesme.