Dalëngadalë edicionit të “Dance With Me”po i vjen fundi dhe ethet se kush do të triumfojë po shtohen. Pavarësisht disa largimeve nga ky spektakël, konkurentët pretendentë për të fituar çmimin e madh janë shumë të fortë. Pjesë e “Dance With Me” është edhe balerini i njohur Graciano Tagani, i cili ka treguar për Rudina Dembacajn në emisionin “Mos i fol shoferit” këtë të shtunë se për mendimin e tij duhet të triumfojnë Ana dhe Albi. “Kush do ta fitojë nuk e di. Kush mendoj unë se duhet ta fitojë është Ana dhe Albi. Jo për arsye interesi që jam unë që kërcej dhe jam marrë me ata të dy, por normalisht duket që është diferencë shumë e lartë nga të tjerët.” – ka rrëfyer Graciano në makinën e “Mos i fol shoferit”.
Është e vërtetë që Graciano i ka miq të dy, por duke u nisur nga profesionalizmi i tij, fjala e tij ka shumë vlerë.