Me mijëra turistë dhe qytetarë janë bllokuar në ishullin Bali, të gjithë me sytë nga qielli ndërsa shtohet frika se vullkani Agung mund të shpërthejë nga momenti në moment. Krateri i vullkanit është duke u mbushur me llavë dhe eksizton frika se do shkatërrojë gjithcka. Frika është rritur ndjeshëm dhe zona e evakuimit është zgjeruar në një rreze prej 10 km.

Autoritetet indoneziane aktivizuan nivelin më të lartë të alarmit mëngjesin e së hënës, për shkak të mundësisë së një katastrofe të pashmangshme. Aeroporti i ishullit u mbyll, duke lënë mijëra vetë të bllokuar në destinacionin turistik. Tym i zi, hi dhe zjarr janë parë të dalin nga maja e malit 3400 metra të lartë.

Autoritetet kanë paralajmëruar banorët të qëndrojnë larg mbetjeve vullkanike, të cilat janë parë poshtë malit. Sipas tyre, shpërthimet e herëpashershme dëgjoheshin deri ne 12 km larg malit. Më shumë se 100 mijë njerëz janë deturuar të evakuohen nga banesat e tyre.

Ekspertët vlerësojnë se vullkani duket se po hyn tani në fazën tjetër, atë të shpërthimit magmatike ku llava është e dukshme nga krateri.
Frika është e madhe pasi në vitin 1963 vullkani Agung shkaktoi rreth 1600 të vdekur.