Pas një kohe të gjatë në protestë, në ditën e pestë të qëndresës së tyre përpara ministrisë së Energjitikës, banorët e Zharrëzës duket se kanë finalizuar me sukses kërkesat e tyre. Këtë mesditë, ministri i Mjedisit Lefter Koka ka urdhëruar ngritjen e një grupi pune për evidentimin dhe rehabilitimin e ambientit në zonën e Zharrëzës. Grupi prej 5 anëtarësh do të duhet të përcaktojë vlerën e dëmeve dhe minimizimin e ndotjes. Relacionin pas vlerësimit në terren ky grup pune duhet ta prezantojë brenda datës 15 mars.