Kreu i Partisë Demokratike, Lulzim Basha, ka dalë në një deklaratë për media për të komentuar shkarkimin e ministrit të Drejtësisë, Ylli Manjani.

Sipas Bashës, arsyeja e vërtetë e shkarkimit të Manjanit është se ai theu “kodin e heshtjes” dhe guxoi të fliste për lidhjet e Edi Ramës me krimin, drogën dhe Klement Balilin. Basha tha se Edi Rama nuk ka nevojë për LSI-në pasi është peng i krimit ndërsa Ilir Meta është peng i Edi Ramës.

Kreu i PD-së, Basha:

Klanet kriminale me përfaqësues Saimir Tahirin janë sot në bashkëqeverisje. Edi Rama nuk denjoi të japë asnjë shpjegim se përse e shkarkoi Manjanin. Shqiptarët e dinë sepse. Ministri Manjani u shkarkua sepse foli hapur për krimin që ka marrë peng qeverinë.

Për drogën, për Balili……Manjanin theu kodin e heshtjes. Deklarata e Manjanit është një tjetër konfirmim i të vërtetave që opozita ka denncuar për tre vite.

Lidhjet e qeverisë me krimin dhe drogën, një rrezik për zgjedhjet e lira i denoncoi edhe një ministër tjetër, madje kumbari i qeverisë, Lefter Koka.

Por sot Edi Rama nuk ka nevojë për LSI-në, pushtetin e tij e mban në këmbë me anë të krimit dhe parasë.

Ky është një sinjal i qartë për këdo që guxon të përmendë lidhjet e krimit me qeverinë.

Me shkarkimin u konfirmua edhe një herë se Edi Rama është peng i kirmit dhe Ilir Meta është peng i tij.