Kryetari i Partisë Demokratike, Lulzim Basha, reagoi sërish sot për çështjen e Teatrit duke akuzuar kryeministrin Edi Rama se po përpiqet me çdo usht që të realizojë këtë projekt të cilin ai e konsideron si korruptim. Basha ka reaguar në facebook ku ka postuar edhe një videolajm që tregon si do te vidhet prona e Teatrit dhe prona publike për t’u ndërtuar kulla.

Lulzim Basha
Rama nuk ka asnjë interes për teatër të ri pa kulla. Afera me Teatrin Kombëtar është për kullat e për të futur në xhep 200 mln euro, dhe jo për Teatrin, sepse për të nuk ka Teatër pa kulla. Vetëm për luks qeveritar, Rama ka shpenzuar aq para sa për të ndërtuar 5 teatro kombëtarë. Unë i kuptoj artistët që kërkojnë një teatër më komod. Ka disa mundësi për një teatër të ri, si në Bulevardin e ri të Tiranës ose tek Piramida. Teatri aktual restaurohet në shërbim të artit e kulturës por dhe si monument unik i trashëgimisë kulturore të Tiranës. Paralajmërimi për Edi Ramën, mafian e ndërtimit dhe mafian e drogës do të formalizohet si një kontratë e Partisë Demokratike me publikun: minat dhe rruspat i presin për çdo projekt korruptiv që do të ndërtohet te Teatri!