Kryetari i PD, Lulzim Basha ka vizituar pronarët e biznesit të vogël në Lezhë. Ai pasi dëgjoi tregëtarët që u ankuan për taksat, tha se i gjithë biznesi i vogël do të përjashtohet nga TVSH dhe taksa do të jetë 0.5% e xhiros vjetore.

“Taksat e Bashkisë së Lezhës janë 20%-25% më të ulta se taksat e bashkisë së Sarandës. Çmimin e energjisë e keni parë të rritet, çmimin e naftës e keni parë të arrijë kulmin. Askush s’e paguan naftën më shtrenjtë se shqiptarët. E ashtuquajtura heqja e taksave për biznesin është kthyer në një boomerang, me të gjitha gjobat, çmimin e rritur të energjisë dhe naftës, ndërkohë që kudo ku kam qenë më kanë thënë se xhiro ka rënë dhe njerëzit nuk kanë lek për të blerë,” tha Basha.