Kreu i Partisë Demokratike, Lulzim Basha, ka zbuluar disa nga pikat strategjike që do të bllokohen ditën e nesërme nga opozita, e cila do të ngrihet në protestë kundër taksës në Rrugën e Kombit.

Opozita do të nisë nesër mosbindjen civile, duke iu bërë thirrje qytetarëve të bashkohen dhe të dalin në rrugë kundër qeverisë Rama.

“Do jemi nesër në protestat e njoftuara nga qytetarët, sipërmarrësit e vegjël, fermerët, njerëzit që janë larguar nga ndihma ekonomike, në Bradashesh, Vorë, Milot. Do jemi në krah të tyre, një popull i bashkuar do të rezistojë. Kjo diktaturë dhe tirani e krimit i ka orët e numëruara. Socialistët e ndershëm ta refuzojnë këtë bandën në pushtet. I thërras të gjithë të bashkohemi nesër”u shpreh Basha

Kreu i opozitës teksa theksoi se Rama ka privatizuar shtetin, gjykatat, prokurorinë si dhe policinë theksoi se ai dhe forca që ai përfaqëson do të jetë në krah të qytetarëve, duke premtuar pjesëmarrjen në protesta e qytetarëve.

Pritet që të bllokohet  edhe aksi Tiranë-Durrës , Lushnje-Fier etj.