Kryetari i Partisë Demokratike, Lulzim Basha në një bashkëbisedim me të rinj të Beratit tregoi rrugët, që sipas tij, pengojnë të keqen. “Po u çua gjithë rinia e Beratit, sikur vetëm rinia e Beratit të çohet e vendosur, të jeni të sigurtë që e keqja merr një goditje vdekjeprurëse”, tha ai. 

“Po të çohemi të gjithë së bashku dhe ta kundërshtojmë këtë të keqe, ta kundërshojmë një shtet që ka dalë jashtë ligjit dhe Kushtetutës dhe të kërkojmë zëvendësimin e tij që i shërben ligjit, Kushtetutës dhe njerëzve, kjo do të ndodh. Pse? Për një arsye fare të thjeshtë; nuk ka mjaftueshëm pranga për gjithë popullin, nuk kanë mjaftueshëm policë për gjithë popullin, nuk ka mjaftueshëm qeli për të gjithë popullin. Ky është moment ku askush nuk ka pse të ketë frikë”, tha Basha.