Mbrëmjen e së shtunës këngëtari Young Zerka ka qenë i ftuar në emisionin “Shiko Kush Luan” të moderatores Luana Vjollca.

Një nga lojërat ku Zerka mori pjesë ishte “Paintball”. Gjatë kësaj loje ai ka dhënë përgjigje të ndryshme lidhur me pyetjet për personazhet e showbizit shqiptar. Një nga pyetjet që iu bë këngëtarit është se me cilët artistë do të dëshironte të realizonte bashkëpunim dhe ai u përgjigj me Capital T dhe Taynën.

Të ketë treguar këngëtari se është në bisedime për bashkëpunime me këta dy artistë? Gjithashtu gjatë emisionit Young Zerka u shpreh se është duke përfunduar albumin e tij që pritet të publikohet së shpejti për fansat e tij.