Për më të varfërit Bashkia e Tiranës ka menduar një zgjidhje, duke marrë një nismë, e cila pritet të finalizohet duke ia kaluar më parë Këshillit Bashkiak. Erjon Veliaj gjatë një takimi me kryepleqtë në Pezë ka theksuar se do tu propozohet të gjitha marketeve, që ushqimet, që janë në prag skadence të mos ti hedhin dhe bashkia më pas tua shpërndajë familjeve të varfra. Për këtë arsye, Veliaj iu ka thënë dhe kryepleqve të fshatrave, që të bëjnë gati listat me emrat e më të varfërve të zonës, që mbulojnë, që kur të arrihen marrëveshjet ushqimet të shkojnë dhe tek të varfrit e fshatrave.